У выданні, якое ўяўляе сабой тэксты аўтараў, якія аб’яднаны тэмай узаемадзеяння грамадзянскай супольнасці і дзяржавы ў вырашэнні разнастайных сацыяльных праблем грамадства, прааналізаваны станоўчы вопыт практычнай дзейнасці грамадскіх актывістаў Магілёўшчыны, які дазваляе ім успрымаць сябе ў якасці важных элементаў мясцовай палітыкі пры вырашэнні значных для людзей праблем. Паказаны найбольш актуальныя на думку гараджан праблемы Магілёва, якія разглядаюцца ў кантэксце намаганняў грамадскасці, грамадская актыўнасць у рэалізацыі сацыяльна-культурных праектаў і ініцыятыў, дзейнасць грамадскіх арганізацый, як сродак сацыялізацыі і яднання намаганняў. У зборніку захаваныя погляды, арфаграфія і мова аўтараў, таму за магчымыя недакладнасці і спрэчныя моманты ў тэксце адказнасць нясуць аўтары.
Адрасуецца грамадскім актывістам, палітыкам, навукоўцам, выкладчыкам, краязнаўцам, студэнтам і вучням, а таксама ўсім, хто цікавіцца грамадскім жыццём.